Tum bhi nahi ho

Tootne lagi hain saansein,
Rukne lagi hai ye dhadkan,
Tham si gai hai ye zindagi,
Thakne lage mere tan mann,
Dikhta nahi koi raasta,
Thame na ab koi daaman,
Ulajhti hi jati hai har pal,
Kaisi hai mann ki ye uljhan,
Kisse kahun main ye baatein,
Tum bhi nahi ho mere sang.

Aaj kuch yun....

Aaj mujhe kuch yun mehsus ho raha hai,
Katra katra jaise kuch mujhme kho raha hai.
Kuch sapne ek ek kar bikhar gaye hain,
Ek ehsaas jo pal pal ro raha hai.
Har shaks achanak ajnabi ho gaya hai,
Har ajnabi kuch mujhse keh raha hai.
Har rasta puchta hai mujhse teri manjil hai kahan,
Har manzil ka rasta kho raha hai.
Har roz main apne dil ko samjhati hun,
Har roz main ek naye gam ko uthati hun.
Har subah naya dard, har raat nai mayusi,
En sab halaton me bhi meri aas nahi hai tooti.
Meri zindagi mujhe ab bhi utni hi pyari hai,
Ek roz main jeetun ye meri hi zimedari hai.