Mere dard me tera sukoon kyun hai,
Mere jism pe tera junoon kyun hai.
Door hai tu itna ki tujhe dekh bhi na sakun,
Phir bhi tera ehsaas char su kyun hai.
Meri muskurahate shuru hoti hai tujhse,
To phir aaj mere aasuaon ki tu wajah kyun hai.
Tere aane se pehle bhi to thi zindagi meri,
Aaj phir tujh bin suni kyun hai.
Leke tera naam to na jagte the hum,
To is raat silwaton me tera aks kyun hai.

Bewafa

Wo kehte hain ki dost mera bewafa hua,
Main kya janun yaar mujhse kyun juda hua.
Usne kaha nahi kuch jane se pehle,
Main intezar karungi, aaye maut aane se pehle.
Main bhul nahi sakti wo waqt jo gujra sang,
Kyun hai ye berukhi, kyun badal gaye rang.
Tumne kaha tha mera aitbaar karna,
Main ab bhi jaanti hun intezar karna.
Tum wapas laut aao itni dua hai meri,
Tere bin koi kami nahi bas zindagi tanha hai meri.